Главная » Новости » ”Аўцюкоўскі кірмаш” – пераможца
Информация к новости
1-11-2018

”Аўцюкоўскі кірмаш” – пераможца

Категория: Новости, Культура Гомельщины

У гэтым годзе на конкурс  Калінкавіцкі  раённы сацыяльна-педагагічны цэнтр прадставіў выставу “Аўцюкоўскі кірмаш”, прысвечаную Году малой радзімы. Выхаванцы дзіцячага прытулку, увесь наш калектыў, сумесна з дзецьмі з дзіцячага дому сямейнага тыпу г.Калінкавічы,  вельмі стараліся.

Былі на нашым “Аўцюкоўскім кірмашы” —  і парася “з нагамі ў цэменце, каб даўжэйшае вырасла”, і разумная кура, якая “есці ходзіць да суседа, а яйкі дома нясе”, і “закаханыя шпакі”, і  гігантская “бульба, якую садзілі ўначы, каб жукі-каларады не бачылі”. А аўцюкоўскія прысмакі здзівілі нават членаў журы – красаваліся на кірмашы “аўцюкоўскія камы”, аўсяны кісель, аладкі з макам, гарбузовая каша, прыгожы і смачны каравай з аўцюкоўскай мукі новага ўраджаю.

Каларытна, з музыкай і аўцюкоўскімі прыпеўкамі, прэзентавалі   выставу прыгажуня Калінка, вобраз якой стварыла наш сацыяльны педагог Ганна Кручкова, разам з малымі дзеткамі-аўцючанятамі – выхаванцамі дзіцячага прыюта і ДДСТ.

Журы па заслугах ацаніла нашу выставу, прысудзіўшы  ёй першае месца сярод сацыяльна-педагагічных цэнтраў  Гомельскай вобласці.

Ала КАВАЛЕНКА, намеснік дырэктара  раённага сацыяльна-педагагічнага цэнтра.

Облако тегов

Архив новостей

Ноябрь 2018 (10)
Октябрь 2018 (30)
Сентябрь 2018 (21)
Август 2018 (16)
Июль 2018 (15)
Июнь 2018 (24)
^