Главная » Новости » Час для перамог
Информация к новости
23-04-2018

Час для перамог

Категория: Новости, Культура Гомельщины

На III абласным фестывалі-конкурсе вакальна-інструментальных, джазавых ансамбляў у Гомелі ансамбль “Дружба” (кіраўнік Сяргей Сергіенка, канцэртмайстар Вольга Кузьміч) быў узнагароджаны Дыпломам III ступені.

Дуэт у складзе Віялеты Крупновай і Глеба Семяніцкага адзначаны граматай.

Сяргею Сергіенка ўручаны Дыплом як “Лепшаму кіраўніку”.

image

Вучаніцы школы Эвеліна Прыкота (настаўнік Наталля Дубініна) і Настасся Пінчук (настаўнік Ала Есьман) упершыню прымалі ўдзел у II Рэспубліканскім фестывалі-конкурсе фартэпіяннай музыкі “Музычныя іскрынкі” ў горадзе Клецку. Дзяўчынкі адзначаны дыпломамі конкурсу.

Камплект узнагарод прынёс удзел у XI Рэгіянальным адкрытым фестывалі-конкурсе дзіцячай творчасці “Рускі партрэт у беларускім інтэр’еры” ў Жлобіне.

Дыплом I ступені па выніках конкурсу атрымала Паліна Міцкевіч, ІІ ступені – Кірыл Вайтовіч, III ступені – Вікторыя Стральчэня, Віялета Крупнова, Аляксей Шпак і Дзіяна Петушкова.

Граматамі за паспяховае выступленне былі адзначаны Вікторыя Піскун, Эвеліна Прыкота, Вікторыя Радкевіч і Мікіта Чырыч.

Падзякі конкурсу ўручаны настаўнікам Сяргею Сергіенку, Валянціне Шчучэнка, Алене Сухапаравай.

За ўдзел у конкурсе адзначаны граматамі ансамбль “Задорынкі”: Карына Мурга, Вераніка Дзягелька, Дар’я Кліменка.

image (2)

На I абласным конкурсе інструментальных ансамбляў у Мазыры годна выступілі ансамбль скрыпачоў “Віёла” (кіраўнік Вольга Мейлах, канцэртмайстар Вольга Кузьміч) і ансамбль саксафаністаў “Іскрынкі”, які ўзнагароджаны граматай за паспяховае выступленне.

У канцы сакавіка былі падведзены вынікі школьнага конкурсу “Краскі сакавіка”. У гэтым годзе тэмай для малюнкаў была “Мая Беларусь”. Журы ацаніла 46 работ, з іх 26 – атрымалі ўзнагароды.

Як расказалі ў Петрыкаўскай школе мастацтваў, 20 красавіка ў 18 гадзін у раённым Доме культуры адбудзецца справаздачны канцэрт. На ім вы зможаце даведацца пра творчае жыццё школы, пачуць юных музыкаў, палюбавацца танцамі і ўбачыць лепшыя работы юных мастакоў.

Н. ЧАРНЯЎСКАЯ.

«Петрыкаўскія навіны»

Облако тегов

Архив новостей

Август 2018 (10)
Июль 2018 (15)
Июнь 2018 (24)
Май 2018 (16)
Апрель 2018 (27)
Март 2018 (31)
^