Главная » Культура Гомельщины » Мушкецёры на петрыкаўскай сцэне. Клуб аматараў тэатра прадставіў мюзікл «Сабакі караля супраць катоў кардынала»
Информация к новости
11-01-2018

Мушкецёры на петрыкаўскай сцэне. Клуб аматараў тэатра прадставіў мюзікл «Сабакі караля супраць катоў кардынала»

Категория: Культура Гомельщины

Прыкладна гэтак была закручана сюжэтная лінія мюзікла па матывах прыгодніцкіх раманаў Дзюма з мушкецёрамі ў галоўнай ролі, а дакладней, па матывах савецкага музычнага мультфільма “Сабака ў ботах” рэжысёра Яфіма Гамбурга, намаляванага ў сваю чаргу па матывах твораў Дзюма. …Фух, разабраліся.

IMG_4374IMG_4335IMG_4305IMG_4288IMG_4190IMG_4158IMG_4482

Не ўпершыню петрыкаўскі клуб аматараў тэатра, якім кіруе  дырэктар РДК Нэлі Кудравец, забаўляе гледачоў рознымі цікавымі гісторыямі. На гэты раз дзейства было прыўрочана да праваслаўных Калядаў. Пастаноўшчыкі і афармляльнікі пастараліся, каб акцёры выглядалі ніяк не горш за сваіх прататыпаў, а, можа, нават і лепш, з той розніцай, што прататыпы іх – сабакі і кошкі, а акцёры, няхай сабе і з прымацаванымі і імправізаванымі вушамі і вушкамі, але ўсё ж людзі.

Карацей, мушкецёрскія плашчы каралеўскай гвардыі, шляпы з пёркамі і шпагі дабавілі каларыту, а грацыёзныя танцы кардынальскіх кошак з чорнымі носікамі (калектыў “Эдэльгія” з гімназіі) – шарму ўсёй тэатралізацыі, якая, як самая сапраўдныя тэатральная драма, складалася з дзвюх дзей, хіба што толькі замест буфетнага антракту быў музычны. Бо якія ж калядныя сустрэчы без музыкі!

Калядныя зорачкі “запальвалі” салісты маладзёжнай эстраднай студыі “Талент” пад кіраўніцтвам Анатоля Рудзько, народнай вакальнай студыі пад кіраўніцтвам Дзмітрыя Дземідзюка, танцавальныя калектывы “Твіксікі” і “Імпульс”  пад кіраўніцтвам Настассі Макарэвіч, інструментальны дуэт педагогаў з Петрыкаўскай дзіцячай школы мастацтваў і (якое ж свята без яго!) узорны ансамбль эстраднага танца “Экшэн” пад кіраўніцтвам Ірыны Буднік.

Пакуль нашы самадзейныя артысты спявалі, ігралі і танцавалі, сабакі-мушкецёры рыхтаваліся да фінальнай бітвы з арміяй кошак, хоць, калі шчыра, крыві не было, як і параненых сэрцаў. Усё роўна перамагло каханне, сяброўства і задыякальная наканаванасць – чакаем усё ж неўзабаве Год Сабакі.

Дзякуй мясцовым тэатралам і артыстам за святочную праграму. Чакаем наступных прэм’ер!

IMG_4579_1IMG_4119_1IMG_4154_1IMG_4167IMG_4182_1IMG_4230IMG_4414_1IMG_4453_1IMG_4498

У. ЕСІПАЎ.

Фота А. ГУСЕВА.

«Петрыкаўскія навіны»

Облако тегов

Архив новостей

Февраль 2020 (11)
Январь 2020 (23)
Декабрь 2019 (38)
Ноябрь 2019 (18)
Октябрь 2019 (34)
Сентябрь 2019 (27)
^