Главная » Год культуры » Чароўнаму мастацтву падуладны стагоддзі
Информация к новости
14-11-2016

Чароўнаму мастацтву падуладны стагоддзі

Категория: Год культуры

Мы прывыклі бачыць у крамах і на рынках мэблю, адзенне, абутак, сувеніры, вырабленыя на прадпрыемстве. Але, пагадзіцеся, з імі не параўнаюцца вырабы ручной працы, у кожным з якіх часцінка душы майстра.

У нашым горадзе ёсць, так сказаць, скураных спраў майстар, чалавек, які жыве цікавым рамяством – дэкарыраваннем скурай або скураной пластыкай. Гэта педагог дадатковай адукацыі гарадскога цэнтра творчасці дзяцей і моладзі «Эўрыка», кіраўнік аб’яднання па інтарэсах «Саламандра» Вольга Смарцэлава.

Яе рукі здольныя тварыць цуды – дзякуючы фантазіі, натхненню, з якімі яна працуе над рознымі прыгожымі штучкамі, кавалачкі скуры ператвараюцца ў незвычайныя эксклюзіўныя вырабы – пано, шкатулкі, карціны... Гэтаму яна вучыць і дзяцей.

 

Вольга Канстанцінаўна лічыць, што самым высокім відам мастацтва з’яўляецца народнае, таму што яно пранесена праз стагоддзі. Дарэчы, сама жанчына з ранняга дзяцінства любіць рукадзелле, а падчас вучобы ў Рагачоўскім педагагічным вучылішчы яе любімым прадметам было дэкаратыўна-прыкладное мастацтва.

Жанчына працавала ў школе, затым у дзіцячым садзе, потым у аддзяленні дзённага знаходжання для інвалідаў тэрытарыяльнага цэнтра сацыяльнага абслугоўвання насельніцтва, дзе вучыла дзяцей асновам творчасці і сама атрымлівала ад гэтага задавальненне.

У апошнім у рукі Вольгі Канстанцінаўны трапіў дапаможнік па працы са скурай. Яна разам з рабятамі паспрабавала гэты від дэкаратыўна-прыкладнога мастацтва. Гэта была аплікацыя... Так метадам спроб і памылак педагог прыйшла да аб’ёмных формаў і ўнікальных рэчаў. І цяпер работы майстра і яе выхаванцаў пастаянна атрымліваюць высокую ацэнку на конкурсах рознага ўзроўню.

Яшчэ Вольга Канстанцінаўна захапляецца пляценнем з папяровых трубачак. Хоць гэта і не старажытнае рамяство, але падобна лазапляценню. Праўду кажуць: таленавіты чалавек – таленавіты ва ўсім, бо ў руках педагога любая справа спорыцца і любая рэч можа стаць незвычайным дадаткам да інтэр’еру.

Таццяна СКОБЕЛЕВА

Облако тегов

Архив новостей

Ноябрь 2019 (3)
Октябрь 2019 (34)
Сентябрь 2019 (27)
Август 2019 (22)
Июль 2019 (26)
Июнь 2019 (30)
^