Deprecated: preg_replace(): The /e modifier is deprecated, use preg_replace_callback instead in /var/www/gomeloblkultura/data/www/gomeloblkultura.by/engine/modules/show.full.php on line 308 DataLife Engine > Версия для печати > Шануюць спадчыну сваю
Главная > Год культуры > Шануюць спадчыну сваю

Шануюць спадчыну сваю


12-12-2016. Разместил: Администратор

IMG_0097

Маюць зацікаўленасць да розных відаў фальклору таксама педагогі і іх выхаванцы.  Пераможцы раённага этапа абласнога конкурсу «Шануйце спадчыну сваю» ўдзельнічалі ў  занальным аглядзе, які адбыўся ў Рэчыцы ў мінулую суботу.

З песеннай творчасцю прадстаўляў Чачэршчыну ансамбль сярэдняй школы №1 «Званочкі» пад кіраўніцтвам Ніны Трыбуналавай. Палясчане выступалі ў намінацыі «Каляндарна-земляробчыя святы і абрады вяснова-летняга цыклу» (на фота).

«Кнопачкі» з Нісімкавіч выйшлі на сцэну з гульнёвым фальклорам. Разам з настаўніцай беларускай мовы і літаратуры Надзеяй Цімашэнка і музычным кіраўніком клуба Таццянай Баранавай хлопчыкі і дзяўчынкі нагадалі, як раней «каза-дзераза па кругу гуляла»… Розныя забавы перажылі стагоддзі і сёння гарэзы бавяць час за простымі народнымі пацехамі. Дарэчы, фальклорны гурт пачаў сваю дзейнасць толькі ў кастрычніку, але яго ўдзельнікі паспелі ўжо многае даведацца і заслужылі станоўчыя водгукі журы.

Вынікі конкурсу будуць вядомы пазней, але і зараз зразумела, што мерапрыемства пакінула прыемныя ўражанні. Выканаўцы шчыра пранікліся роднай спадчынай, пасябравалі, узбагацілі свой духоўны свет.


Вернуться назад