Deprecated: preg_replace(): The /e modifier is deprecated, use preg_replace_callback instead in /var/www/gomeloblkultura/data/www/gomeloblkultura.by/engine/modules/show.full.php on line 308 DataLife Engine > Версия для печати > У Малажынскай СШ прайшоў конкурс чытальнікаў вершаў
Главная > Год культуры > У Малажынскай СШ прайшоў конкурс чытальнікаў вершаў

У Малажынскай СШ прайшоў конкурс чытальнікаў вершаў


18-11-2016. Разместил: Администратор

У мэтах папулярызацыі гэтага духоўнага скарбу народа, выхавання ў падрастаючага пакалення павагі і любові да яго, цікавасці да твораў айчынных майстроў слова ў Малажынскай сярэдняй школе адбыўся конкурс чытальнікаў вершаў на тэму “Залатая восень”. Прыемна, што спрыялі літаратурнаму святу і сонечнае надвор’е, і добры настрой вучняў. Кожны з іх меў магчымасць самастойна выбраць твор на прапанаваную тэматыку. А ў час мерапрыемства дзеці не толькі выразна чыталі вершы, але і разгадвалі загадкі, тлумачылі значэнне прымавак і прыказак.

Зачараваў журы меладычны голас Людмілы Масанавец, якая ў выніку стала пераможцай сярод вучняў сярэдняга звяна. Другое месца заняла Ксенія Малочка, трэцяе – Міхаіл Рагоўскі. Месцы сярод малодшых школьнікаў размеркаваны наступным чынам: першае – Віялета Харко, другое – Сцяпан Харко, а трэцяе дасталася Вікторыі Калясан.
Радасна, што мерапрыемства, прысвечанае роднай мове, пакінула светлы след у дзіцячых душах. Шанаваць гэты духоўны скарб, бараніць яго пяшчотную чысціню, паважаць гістарычную спадчыну народа, працягваць культурныя традыцыі продкаў – абавязак кожнага, хто нарадзіўся, вырас і жыве на беларускай зямлі.

Ларыса ГУЗ, 
настаўніца беларускай мовы і літаратуры Малажынскай СШ


Вернуться назад